Ուսումնական ճամփորդություն բարձունքի հաղթահարմամբ. Բուժական, Թեղենյաց վանք

Ուսումնական ճամփորդությունը  (այսուհետ` ճամփորդություն) կրթական ծրագրի բաղկացուցիչ է, ուսումնական պարապմունքի տեսակներից մեկը։

Օրը՝ սեպտեմբերի 25
Ժամը՝ 9:30- 16:00
Մասնակիցներ՝ Արևելյան դպրոցի երրորդ դասարանցիներ

Ուսուցիչներ՝ Անահիտ Հարությունյան, Մերի Գրիգորյան, Տաթև Թամազյան, Նունե Խաչիկօղլյան

Վայրը՝ Բուժական, Թեղենյաց վանք

Քարտեզը՝

Նպատակը՝ Հայրենաճանաչողություն ճամփորդությամբ ուսուցման կազմակերպմամբ:

Խնդիրները՝

• Որևէ գործունեության նախապատրաստվելու հմտության զարգացում.
• Ճանապարհային քարտեզի ուսումնասիրություն.
• Ձեռք բերած տեղեկությունները համադրելու, համեմատելու, դրանց մասին տեղեկատվություն պատրաստելու և ներկայացնելու կարողությունների զարգացում.
• Թիմով ընդհանուր խնդիրներ լուծելու, խմբով աշխատելու կարողությունների զարգացում.
• Ընտանիքին ներառել դպրոցական կրթությանը, մասնակից դարձնել ուսումնական գործընթացին.
• Ճամփորդական կանոնների սահմանում, պահպանում և կիրառում.
• Հանրօգուտ աշխատանքի միջոցով շրջակա միջավայրի հանդեպ հոգատարության դրսևորում.
• Շրջակա միջավայրի ճանաչողություն:
• Որևէ գործունեությունը ամփոփելու հմտության ձևավորում, զարգացում:

Ճամփորդության նկարագրություն՝

Ճամփորդության նախապատրաստական փուլում ուսումնաիրել քարտեզը, տեղեկություններ ստանալ տեղանքի մասին, նախապատրաստել ճամփորդական պայուսակը, մշակել ճամփորդական կանոնները, ձայնագրել: Ճամփորդության ընթացքում պահպանել կանոնները, մասնակցել տարածքի համապատասխան մաքրման աշխատանքներին, հաղթահարել բարձունքը: Հետևել, դիտարկել եղանակային փոփոխությունները, չափել ժամանակը, հեռավորությունը, կատարել համեմատություններ: Ամփոփ պատումները հրապարակել բլոգում:

Բուժական, Թեղենյաց վանք from harutyunyananahit

Թեղենյաց վանքում երգել՝

• Անդաստան
• Առավոտ լուսո

Աղբյուրը՝ Անահիտ Հարությունյանի բլոգ